張惠雅晒皮包骨睡前相 網民憂心：有咩事搵朋友傾吓先
蘋果日報 2020/10/30 20:46
張惠雅吃掉前男友84磅
現年32歲的前HOTCHA成員張惠雅（Regen），早前在ViuTV《吃掉前男友》節目中自爆在拍攝前，剛與年輕8歲的男朋友分手，為情消瘦到只剩下84磅。
Regen昨晚在IG貼上兩張一臉倦容的睡前相，穿上Bra Top的她瘦得我見猶憐，十足皮包骨，鎖骨突現、肚皮扁平，雙手更幼得可憐；與2004年初出道時面圓圓、全身好好肉地的Regen，可謂判若兩人。網民紛表示好擔心，留言：「搞乜鬼？」、「呀女你咁樣我好驚㗎……有咩事揾啲朋人傾吓先」、「瘦到咁，無陰公，快食返多少少嘢啦」。
近年Regen除了體重急跌，還有脫髮問題，她直認是受壓力和情緒所影響，10月初Regen曾留言說：「自己都知道瘦到好殘，好多人冇見我一排見返我直頭唔認得我，係真係唔認得我嗰隻。昏君我失戀後終日躺於床上不吃不喝了一段時間，當時發現自己瘦咗啲咁……」。她表示知道身邊人好擔心，有努力進食，但磅數仍是停滯不前：「有一天發現84磅，我同屋企人都有啲嚇親。但係自己可能開始追求想有肌肉，我都冇停運動，加上開始新店裝修頻撲下，就算食返好多嘢，磅數都徘徊喺84-88lb，其實自己目標想上返起碼90lb，但係好衰個人一瘦，就係面手腳胸屁股瘦晒都唔瘦個下腹，吃多啲嘢最先長肉就係肚腩。」但如今連肚腩都沒有，看來Regen仍需加油、努力！
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！