韓國天團BIGBANG上月先嚟咗香港舉行見面會，當日勝利就未有跟隊友一齊離開，反而留喺香港夜蒲，佢同友人夜蒲嘅合照事後仲畀人放上網，而當日勝利飲到醉醺醺，搞到第二日離港時醉住走，認真搞笑。

而勝利一向都畀人感覺鍾意夜蒲，近日網上又出現佢喺夜店飲酒跳舞嘅片段，片段中可見勝利被人揑住下巴灌緊酒，雖然睇起上嚟好似被迫，但勝利就表現得相當受落。

同時片段亦有佢同緊一名女子跳貼身舞，情到濃時仲見勝利將個頭向前，疑似咀嘴個女仔。