陳豪與太太陳茵媺（Aimee）今天夫妻檔為活動擔任嘉賓，在武漢肺炎疫情肆虐下，他們已一年未有以夫妻檔姿態現身，難得一同上陣，二人心情靚靚。雖然疫情嚴峻，不過陳豪深得廣告商喜歡，最近密密接job搵銀，有指他疫市中反而密密賺，陳豪說：「唔好咁講，揦返拃沙都好，有得做算係咁，珍惜每個工作機會，尤其太太難得一齊。疫情期間，我哋本來都有2個活動係取消咗，個市咁都難怪嘅。」有指他疫市下也能賺過千萬？陳豪謙虛說：「我唔知道，冇聽過，冇計過，疫市經濟打擊下，大家都捱緊，等社會上返軌道，生活過得好啲，要珍惜工作機會，唔計較錢嘅。」他們更坦言夫妻檔會「減價」來共渡時艱，陳豪說：「一定㗎嘞！共渡難關，有得傾嘅。」

Aimee平日多留在家照顧3名子女，疫情下小孩沒有上學，她則忙於擔當家長兼老師角色，陳豪要上班，Aimee要惡補中文教導小孩，不過有時她也會請教小朋友，為他們增強自信。問到全心全意照顧小孩可感到抑鬱？她笑說：「咁又冇，不過真係好忙，唔止我一個，好多父母都有壓力，係理解嘅，疫情一年嘞，都會盡量諗唔同新意畀小朋友，心境好重要。」問陳豪賺到錢如何獎勵辛勞的太太？他即笑說：「要乜都畀佢，she is my queen。」

另外，陳豪被問到其咖啡店生意會否受到政府加強的防疫措施影響？他指去年原本想為新店做開幕，但受疫情影響一直未能舉行，現決定取消儀式，他更謂：「而家限2人一枱，我哋一家5口出街都會俾人拉，所以都唔會出街食飯，會買外賣。」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！