韓國熱爆組合少女時代（少時）成員允兒自從主演舊年套《愛情雨》後，已有年幾冇拍過韓劇，今日終於傳來好消息，話佢同《OnAir》男星李范秀有機會合演KBS電視台12月新劇《總理和我》。

《總理和我》有韓劇版《仙樂飄飄處處聞》之稱，講述女主角去韓國總理屋企擔任家庭教師而發生嘅故事。不過唔少網民擔心，話今年23歲嘅允兒同43歲嘅范叔差成廿年，呢個配搭好奇怪，希望實力派嘅范叔用演技補救喎。