早前工聯會、新民黨等7位屯門區議員聯署，要求擱置大嶼山東灣莫羅瑞華學校遷入屯門山景邨的計劃；監察屯門區議會行動組今早趁屯門區議會會期舉行示威行動，要求區議員道歉及撒回反對書，惟該7名區議員並無現身。

監察屯門區議會行動組今日趁區議會會期舉行示威行動，要求7名議員撤回反對書及向群育師生道歉，行動組召集人嚴天生譴責議員「有時間去中電、馬會嘅飯局，但無時間去視察群育、特殊學校」，直指部分議員對特殊學校和一些弱勢社群認識不深和存有誤解。惟7名議員由另一入口進場，並無現身接團體請願信。

嚴天生稱：「我哋會畀一個星期時間佢哋，如果佢哋唔回應，我哋會去信平機會，要求平機會調查吓佢哋有無涉及歧視同違規」。

記者於會場外追訪到7名區議員之一鄉事派陶錫源，陶辯稱此事並無歧視，又指「洗乜道歉」，問到會否撤回反對書，陶則回應「呢啲等教育局搞啦」，又迴避是否支持群育學校搬入屯門、曾否到校參觀等問題，最終更以「趕時間」為由，以手推開鏡頭後離去。

新民黨朱耀華亦認為無必要道歉，「我一直無反對佢哋（群育學校）搬入來，仲好支持，只係覺得個選址唔好，政府無理由俾個咁三尖八角嘅選址出嚟嘛」，朱又表示「其實我哋為間（群育）學校做緊嘢，但大家誤會我哋」，直言「好委屈」，惟朱卻表示未曾參觀過東灣學校，亦未有向政府及校方提議更好選址，僅表示「政府應該做多啲嘢」。

工聯會李洪森、陳文偉、陳有海、徐帆，新民黨朱耀華、蘇炤成及獨立的陶錫源早前聯署要求擱置大嶼山東灣莫羅瑞華學校遷入屯門山景邨附近第2B區，興建新校舍的計劃。事件引來公眾關注，惟搬遷計劃日前在立法會教育事務委員會中獲通過，現待屯門區議會審批。