韓國今年壓軸電影《與神同行》後日喺韓國上映，香港則於明年1月11日開畫。今日下午導演金容華聯同一眾主演包括河正宇、車太鉉、朱智勛、金香起及金東旭喺首爾蠶室SIGNIEL Hotel舉行亞洲傳媒發佈會。之後就再移師到Lotte World Mall舉行VIP試映會。

而試映會舉行前，14位演員聯同金容華導演先現身紅地毯，現場有近千人圍觀，場面好墟冚。當中以EXO嘅成員D.O.人氣最勁，而一眾演員現身紅地毯時亦來者不拒，與沿途粉絲簽名及自拍，十分熱鬧。分派現身完紅地毯後，演員就上台與逐一打招呼。