【新增內容及圖片】

韓國女團KARA嘅27歲前成員具荷拉，前日因涉嫌毆打27歲髮型師男友A某而驚動到警方。具荷拉當時向警方表示A某醉酒後偷偷潛入自己屋企並率先動手，不過警方正式傳召具荷拉及男友到警署接受詳細問話時，二人均未有理會，事務所方面更稱具荷拉失聯。

直到噚晚，具荷拉嘅所屬事務所先發出聲明表示失聯兩日，終聯絡到具荷拉本人。聲明中引述具荷拉嘅家人表示，具荷拉因為男友嘅暴行，目前正住院治療，若身體恢復健康，就會同律師一齊到警署接受調查。

另外，具荷拉男友A某噚日接受韓媒《朝鮮日報》訪問，指因為雙方性格不合而向具荷拉提出分手，強調冇出手打過女方。A某又否認偷偷潛入具荷拉屋企，指密碼係兩人初次見面嘅日子，又稱「我哋都一起用嗰間屋。」暗指兩人同居。A某稱當日凌晨喺衣帽間與具荷拉嗌交，同時又畀對方打，所以喺當日凌晨3點20分報警，亦已經到警署接受調查。A某嘅額頭、眼下、鼻旁均有三道超過3厘米嘅傷痕，佢亦坦言因為經常與具荷拉起爭執，所以決定搬走，爆爭執當日就係佢打算搬走嘅日子，

精選韓流，喺晒《娛果》
http://fb.com/appledailyent