韓劇《3days》、《女人的秘密》嘅33歲女星蘇怡賢，2014年同演員老公印喬鎮結婚，前年12月誕下大女印夏恩，將於下月榮升一家四口。蘇怡賢早前舉辦咗Baby shower party，日前就孖住老公及小夏恩影大肚寫真，相當幸福。

蘇怡賢噚日透過Instagram公開新相，蘇怡賢換上多套服裝拍攝，相中小夏恩錫錫媽咪肚中嘅BB，蘇怡賢及印喬鎮溫柔地望住大女，笑得相當開心，而喺另一張相中，小夏恩就學媽咪咁挺住個肚腩仔，十分可愛。