【第三場搞乜鬼?】前後三駒唔玩!冇晒後備馬Quota補上
退出金巴裡好
周日(17日)沙田日賽,第三場五班1200米泥地賽,繼4號「青梅竹馬」(由「有智慧」補上)及9號「七彩」(由「大天龍」補上)於昨日分別退出後,今晨(16日)此場又有馬退下火線。
馬會今早宣佈第三場鄭俊偉馬房、賴維銘策騎之12號馬「金巴裡好」,因右前腿不良於行已退出競賽,由於此場兩匹後備馬「有智慧」、「大天龍」已於昨日補上,如今已冇晒後備馬,故冇馬補替「金巴裡好」,12號馬一席將懸空。
「金巴裡好」泥地1200米曾獲3Win,上仗此程排12檔亦得季軍,如今已退出賴維銘不但損失1,200元策騎費,亦失去贏獎金甚至頭馬機會。
「金巴裡好」退出後,練馬師鄭俊偉全日只剩下一匹上陣馬「傲風雲」,列陣第八場三班1600米六福珠寶盃。