身為香港大型發展商管理層，華懋集團執行董事兼行政總裁蔡宏興算是頗另類的一位。發展商理應鼓勵人買樓，他反指特首林鄭鼓勵置業政策走錯方向，「住屋唔應該係商品，畀人炒買，應該畀人一個安樂家」，認為政府有足夠財力為市民提供廉價房屋，如新加坡組屋般，「唔畀佢賣，但冇人趕得佢走」，他慨嘆近年納米樓湧現，單位面積小至90平方呎都有，「香港社會都幾陰公」，強調華懋不應建納米樓。

特首林鄭月娥上任後推出港人首置上車盤，增加綠置居供應，房策以置業作主導。蔡宏興坦言很感慨，認為房屋政策行錯路，「以置業主導係睇住屋係一件商品，（對於增加綠置居）與其起嚟畀人買，不如起畀人住，其實唔應該由發展商講出來。」

蔡認為公共房屋不應與市場掛勾，即使近期林鄭聲稱將居屋售價與市價脫勾，「其實冇脫勾，只係掛喺邊度」。他認為香港政府財力足夠將更多資源放於公共房屋，「好似新加坡，有8成人住組屋，香港唔會窮過新加坡」，建議讓更多人享用公屋福利，甚至收入較高的居屋申請者，「畀間屋佢，佢有權住一世，可以唔畀佢賣，但冇人趕得佢走。」強調房屋不應是福利而是權利，「市民儲到嘅錢就唔係放喺樓度，而係創業、追尋理想。」

近年不少發展商興建納米樓，呎價高仍惹瘋搶，蔡宏興直言「覺得唔應該，香港人應該有最細嘅單位呎吋，（需要立法限制？）我希望唔需要。」他指供應充足下細單位難有市場，但供應不足令「90呎都有，樓價再升可能得50呎，香港社會幾陰公。」

提倡增建公營房屋、反對納米樓，似乎都不是一般發展商應有立場，是否很矛盾？蔡指：「唔會，任何人做商人之前，都係香港人，如果商人只顧賺錢，成個社會冧咗，係好短視。」他指其兩名兒子已出身，相信會面對置業問題，但兒子買樓不能靠父幹，「（替他們付首期？）暫時唔會，唔係鼓勵佢哋獨立嘅方法。」

記者 鍾雅宜