【閃耀人生女人心 袁詠儀系列之2 試盡方法】袁詠儀(靚靚)最近接受本報連載式專訪,今回講到追女經,她與張智霖(Chilam)結婚17年,只得張慕童(Morton)一個兒子,其實早幾年前,他們曾希望追多個女,不過一直沒成功。問到46歲的靚靚會唔會考慮人工受孕等方法?靚靚帶笑說:「其實你所講嘅我都試過晒,首先我中醫調理身體,又針灸,又瑜伽,到咗某個時候,我覺得可能要依賴一啲醫學上面嘅嘢,咁我就去‥‥‥當然就係可唔可以人工受孕啦。」\想生多一個小朋友原因,靚靚完全是為魔童:「我生完個仔之後,個仔到咗六、七歲,我就全力咁去試、去做,因為我發現個仔得一個嘅時候佢又悶,同埋佢好自己,好多嘢嘅角度都好自己,但係我想話畀佢聽個世界唔係得你自己,仲有好多人、好多嘢,我好想佢懂得同人分享,所以我就好想去生多個。」
雖然魔童今年只得11歲,但靚靚指兒子有時討論好深的問題都表現得很成熟,她說:「我話畀佢聽我想試吓有冇多個BB,佢初初唔贊成,但後來唔知點解佢就好贊成。例如我要食一啲藥,或者我要做啲乜嘢,我都會同佢講,因為我想要多個BB,所以就要咁樣做囉!咁佢就會『哦!』咁樣。」