美國4x100米女子接力隊，喺重賽後成功晉身決賽，亦令到本來排第8嘅中國無緣喺決賽亮相。呢件事之後可以話係演變成美帝威力vs中國玻璃心！

即係咁，美國隊喺初賽第二組出戰，在第二交接棒交接失敗而跌棒。不過，美國隊話交棒前巴西跑手打中美國第二棒嘅菲歷絲（Allyson Felix），所以提出上訴，最後得值並獲安排喺新增嘅「第三組」重賽。在呢個冇對手的第三組，跑出賽季最佳（SB）嘅41秒77，總成績排第1，晉身決賽。

而本來排第8嘅中國，下跌一位至第9位，即係出局囉。呢個時候，玻璃心又出現，中國田徑協會在「第三組」開跑前曾上訴，但係無效。家陣會第二次上訴，提出解決方案，一係全部重賽，一係9支隊伍分2組跑決賽！

又其實中國隊唔係話完全打橫嚟講嘅，中國傳媒仲攞埋賽例出嚟講㖭！其中一條係「田徑運動員喺比賽當中如果受到干擾，評判可以叫被干擾嘅一方參加另一組賽事，或者係被干擾一方嗰一組重賽。」所以美國隊喺新增嘅「第三組」重賽，疑似唔跟賽例，令人懷疑係美帝威力，先可以咁樣重賽。

又睇吓中國網民點睇，好多感嘆號㗎：
Hsu_Son：這毫無公平可言，奧運的恥辱
中國球談：當霸權思想進入體育，體育已失去纯潔，奥運會已經失去意義！
天涯明月3886881968：本届奥運會戾氣太重，以美國為首的西方國家目的就是讓巴西成為笑話，讓俄羅斯遭到蒙羞，讓中國感到挫敗，他們的目的達到了，但也讓國人清醒了！各有所得，也各有所失！
520中國：X你媽的！你这個外國人滾你X的蛋！去死吧！
songwwqqq：巴西是美國的狗腿

體蘋果facebook專頁↓↓↓
http://fb.com/appledailysports