兩年前憑住《那些年，我們一起追的女孩》一炮而紅嘅柯震東，入行以嚟除咗得到一位「姐姐女友」蕭亞軒之外，兩年嚟發展都令佢片酬暴升。

噚日九把刀同柴智屏聯合監製嘅新片《我的情敵是超人》開鏡，男主角依然係柯震東，不過相比兩年前，柯震東拍《那些年》，係得10萬台幣(約2.5萬港元)片酬，到今次片酬直逼千萬台幣，身價直升100倍!不過兩年前得2萬幾港紙片酬....真係少咗啲喎。

不過，22歲嘅柯震東，今次配30歲嘅林依晨，過往佢啲電影都係「姊弟配」，現實又係同蕭亞軒玩姊弟戀，仲被網民笑佢拍呢類戲好熟手。

而九把刀今次就變成監製，佢就笑女神陳妍希話:「林依晨是我的女神，是很有理念和想法的人，陳妍希有點弱智，少了1到3根筋，不過這樣煩惱比較少啦！」