黃婉曼為會計師老公馮柏基兩年抱兩，已有一女Kyra她上月底再誕下二女Kaitlyn，她今日在社交網貼出抱着二女Kaitlyn的靚相並留言：「滿月了...究竟坐月應該坐幾耐？一個月時間過得太快了，好唔捨得可以喺屋企同兩個女日對夜對的日子。#你不斷飲奶瞓覺#我不斷食飯食薑醋食補品#多謝所有朋友的探望和祝福#江湖好快再見」

相中兩母女都穿白色，好有pure的感覺，抱着囡囡的黃婉曼令人感覺心滿意足，母女對望好有愛，另一張相則是Kaitlyn酣睡在粉紅色布捲成的花中，十分可愛。坐完月的黃婉曼今日可以出關，她接受《蘋果》電話訪問時說：「陪月有話我成日唔乖，我忍唔住行嚟行去，上吓網，打吓電腦，又覆電話，做公司嘢，因為趕住為新咖啡店搞開張，我要快啲返工會合同事一齊做嘢。」黃婉曼表示第二胎因為有經驗，湊得容易：「相對今胎係輕鬆啲，頭半個用，我幫阿囡準備薑醋，之前大女時冇時間安排佢影靚相，今次二女有時間，就同佢影咗輯靚相，等佢大咗留念。」

-----------------------------
你撐蘋果 我捐$1
支援反送中抗爭者