郭富城「舞林正傳」演唱會昨日在灣仔舉行記者會，宣佈加開11月24日一場，即共開八場，門票將於城城明日生日公開發售，部份門票收益將資助「中國兒童資助計劃」及「斯理蘭卡兒童資助計劃」。

城城昨日更與遠道從美國來的排舞師BobbyNewberry預演演唱會內的舞蹈，Bobby又大讚城城勤力，對於只加開一場，城城坦言：「我心目中梗係想加越多越好，因為個製作費真係好貴，淨係請Bobby都用咗七位數字，不過紅館冇期，我都冇辦法。」
城城明日生日，問到會否與緋聞女友熊黛林一起慶祝？城城打趣道：「生日我咪排舞中度過囉，未有女仔約我喎，不過公司都有問我同唔同fanclub過，我fanclub大部份都係女仔嚟㗎。」

最近有雜誌拍到城城在熊黛林生日當天，在對方家樓下等候，問他是否為熊黛林慶祝生日？城城說：「真係笑話，影到就叫佢攞張相出嚟先講，見到我架車就話我同人慶祝生日。」至於有否送生日禮物給熊黛林？城城即顯得有點不耐煩說：「唔好講呢啲啦，大家尊重下我對演唱會付出嘅努力，唔好成日問咁多緋聞。」
此外，城城早前接受有線娛樂新聞台的節目《主播直播室》的訪問，已約滿無綫的他以廣東話接受訪問，城城在節目中透露其父及爺爺幾代都是做金行生意，所以也希望他可以子承父業。不過由於他已踏入娛樂圈工作而未能完成父親心願，所以他有個心願：「如果日後唔再喺演藝圈工作，就會同大哥投資金行紀念去世嘅父親同二哥。」
至於愛情方面，城城說：「呢一刻我唔渴望有愛情，因為我工作太忙，如果要將人生重要事項排序，工作會係第一位，接住係家庭同朋友，最後先係愛情。」再問他是否代表不需要拍拖，他說：「又唔係，男人唔可以唔拍拖，會verydry。」
採訪：胡比
攝影：陳俊強