44歲海俊傑同細佢13年嘅化妝師老婆Effie今年3月喺澳洲結婚(新聞連結： http://bit.ly/2vV4m0l )，聽晚佢哋喺北角嘅酒店補擺30多圍喜酒，有半百圈中人到賀，新娘子以前為劉嘉玲化妝，據知嘉玲姐都會俾面去飲，主家仲安排嘉玲同金像導演關錦鵬、劉家勇同坐一圍。

參加94年新秀獲冠軍嘅海俊傑，入行後又拍劇又拍電影，同好多藝人都老友鬼鬼，新娘子仲係陳浩民同陳小春嘅化妝師，所以陳浩民夫婦、小春老婆應采兒出席外，仲有翁虹、斑斑、姜大衛同老婆李琳琳、陳雅倫、鄭希怡、王合喜、洪天明、姜皓文、趙學而、葉佩雯、黃佩霞、李蕙敏、關寶慧、梁敏儀、林偉、吳浩康、李逸朗、黃一山、李國麟、王書麒同老婆許秋怡、劉錫賢、林雅詩、陳欣健等等，加埋伴郎彭敬慈同伴娘傅穎，兄弟陳國坤同黃依汶一家三口，前輩、平輩、後輩藝人濟濟一堂好熱鬧。