【逆權運動】何韻詩揶揄何超瓊斥示威者「暴行」: 權貴散播維穩訊息
蘋果日報 2019/09/12 16:47
黃之鋒何韻詩何超瓊維穩權貴巴丟草連儂墻旗
過去三月的逆權運動，何韻詩除走在前線支持，她又會在社交平台做文宣工作，也會走出香港向國際講述香港此刻情況。賭王二房大女何超瓊去信聯合國狂數示威者「暴行」，卻不提警暴，阿詩今日在facebook轉發相關新聞後再留言說：「一個畀弱勢發聲嘅國際平台，用以檢視世界各地人權狀況嘅公開聽證會，竟然由一個權貴負責代表國家機器去散播維穩訊息，當中嘅荒謬可笑程度，真係回應你都嫌浪費細胞。」
阿詩今日亦有在FB報告行踪，原來她去了台灣，會出席一些民間團體的分享及論壇，她想多作交流，阿詩稍後再到美國會合黃之鋒及其他朋友，出席美國國會及行政當局中國委員會（CECC）就香港問題召開的聽證會，直接游說支持《法案》，阿詩說：「各位好，報個小平安先，昨晚深宵已經安全到達台灣。抱歉呢排好少出現，因為實在忙到甩轆。呢兩日喺台灣除咗做Oslo Freedom Forum台灣版外，亦會出席不同民間團體嘅分享及論壇，希望同台灣朋友喺民主自由議題上有更多互動交流。而過幾日就會出發到美國會合之鋒及其他朋友，將參與CECC聽證及其他活動。老老竇竇，講嘢真係唔係自己最擅長嘅工作，但會盡自己最大能力將香港人聲音帶到海外，大家集氣！保重、加油、Miss you all！」
阿詩為抗爭不遺餘力，她再補充：「p.s.題外話，其實下個月11/10同14/10分別將會到倫敦同紐約舉辦演唱會，日前場地終於落實，yeah！早前心血來潮決定嘅，但一直未有時間機會處理自己嘅事務（連poster都未搞），希望London同NYC附近嘅朋友大家自動留日子畀我，同埋幫我廣傳開去。一如以往，自己的show自己主辦，人力物力實在有限，今次靠你哋喇！」阿詩更貼了披上定居澳洲的中國異見藝術家巴丟草（Badiucao）製作「連儂墻旗」在身上的照片打氣。
(fb圖片/資料圖片)