今年較早時候嘅歐洲籃球錦標賽爆咗個斯洛文尼亞明星球員當錫（Luka Doncic）出嚟，NBA已經即刻盛傳呢位現時效力皇家馬德里嘅18歲仔，會係出年選秀會狀元嘅頂頭大熱。當錫喺禮拜四晚嘅歐洲籃球聯賽就打出身價，幾球波都非常精彩。

喺呢場皇馬對巴塞隆拿嘅國家打吡，當錫射入全隊最高嘅16分，另外有7助攻同6籃板，幫皇馬贏87:75。其中喺完第三節前，當錫喺後半場雙手一推，個波就穿針射入對面嘅網，真係勇士控衛史堤芬居里（Stephen Curry）都未必有咁準呀。當錫之後仲有一球雙手入樽兼博埋犯規，同埋喺一次進攻入面，連續兩次ankle break巴塞一位球員，係連續兩次呀！想知有幾精彩？除咗睇片都真係無其他辦法喇！

--------------------
球迷一定要知！英超一哥曼城，已經登陸『BFB』！登入即送藍月球星： http://bit.ly/2AAiPDS