唔知大家對香港舊區，有冇特別感情？但相信有藍屋又有囍帖街嘅灣仔，唔少人情有獨鍾！一向關注灣仔區發展嘅「灣仔廣義」最近搞搞新意思，特別搵嚟8個單位創作8首歌目，以不同音樂形式訴說對灣仔區嘅感情，結集為《給灣仔的歌》嘅免費網上大碟，但有啲平台唔畀佢哋以全免費方式發表，所以會喺扣除平台收取嘅行政費後，將收入平均分畀有份參與嘅樂隊同創作單位。

八方問過「灣仔廣義」召集人之一、滙業CEO區麗莊，佢話一個城市發展唔單止專注經濟同硬件，藝術、文化創作同歴史先令城市更有深度。而灣仔區結集華洋文化，仲係藝術文化薈萃之地，覺得音樂係最能反映呢個地方精神面貌嘅途徑，希望藉《給灣仔的歌》引起市民關注灣仔周遭事物，同時支持下本地創作。

《給灣仔的歌》：
https://soundcloud.com/user-789092253/sets/songs-for-wanchai