學民思潮召集人黃之鋒成日畀班藍絲惡搞佢個樣似日本嘅河童，而之鋒呢排咁啱又去咗日本喎，冇理由唔趁呢個機會，搵翻自己嘅「祖先」㗎！

佢喺facebook上載咗兩張同河童像合照嘅相，仲好抵死咁留言「我嚟咗搵我祖先啦！」、「今日特登著依件衫，真係《尋找家鄉的故事》」。呢種自嘲，搞到佢啲粉絲好high喎，係咁留言話「認祖歸宗」、「兄弟重逢好感人LOL」，但亦有人留意到之鋒嘅身形：「肚腩喎，要練下啦，金河童都有人魚線」。睇嚟佢喺日本返香港後，真係要做多啲運動嘞。