【新增動新聞】
消防總隊目邱少明前年奉召到馬鞍山吊手岩拯救一對行山情侶時殉職，意外中獲救的行山男警員溫祖榮今作供時承認高估自己能力，又自言「冇行山好耐」，並自認當時沒有顧及救援人員的安全，向死者家屬致歉。不過，家屬未有接受道歉，更在庭內庭外指摘他「害死好多人」：「你有冇內疚呀？有冇自責呀？」「你而家同我講對唔住都冇用㗎！」更有家屬阻擋其去路謂：「你估你差佬就大晒咩？」溫最後鞠躬道歉，離開法庭。

殉職消防總隊目邱少明（50歲）是家中么子。溫今供稱，前年3月22日凌晨約5時半等候救援期間，得悉消防暫停拯救行動，但他當時不知原因。直至早上約9時他用手機上網，才得悉死者因今次搜救行動受重傷。及至當日中午，消防員游繩拯救他與女友往約8米高的平坦處，並沿叢林緩步下山，其後由飛行服務隊的直升機救起二人，到醫院時得悉死者已身亡。

自言原不想勞煩救援人員

死者遺孀劉靜瑜親自盤問溫，質疑溫所謂分岔口後路段「落就落到，上就上唔到」的說法，溫解釋他「目測睇唔到」該路段的泥土鬆散。

盤問期間，有家屬直指警員「害死好多人」，另有死者家屬盤問溫謂：「你係咪太高估自己能力？」溫答：「係。」家屬追問：「你以後可唔可以唔好高估自己能力？」又要求他別再行山，溫自言：「冇行山好耐。」

其後溫向死者家屬致歉，自言當時本來不想勞煩救援人員，故未有及早報警。他又承認沒有顧及救援人員的安全，「係我嘅失策」。

溫作供完畢後，出現一段小插曲。當溫準備離開法庭時，死者岳母指摘他：「你有冇內疚呀？有冇自責呀？如果係你冇咗個仔點算呀？」在場女庭警勸喻岳母離庭，並阻止她接近溫。惟岳母與女庭警推撞，導致一度休庭。

家屬：「你個仆街唔死都冇用！」

另有死者遺孀家屬在庭外向溫說：「你個仆街唔死都冇用！」又說：「你睇佢個樣都知佢冇悔意㗎啦，你繼續行多啲山啦！」溫一度被部份死者家屬阻擋去路，其間曾向他們鞠躬。有家屬見狀謂：「你而家同我講對唔住都冇用㗎！」溫最終離去。

另外，死者遺孀又供稱，死者於前年3月21日早上約7時上班，當時是她最後一次見丈夫。及至翌日早上約6時，得悉丈夫在一次搜救行動中出事，同日下午得悉他已送院救治。她趕赴醫院，惟死者於下午4時20分證實死亡。

劉又指，丈夫生前常提及要參與拯救行山人士的工作，亦曾提及「唔係好夠人手」，裝備亦「唔係好足夠，唔啱用」。

【案件編號：CCDI571/17】
記者鄭語霆

編輯推介

【獨家】馬鞍山德信中學爆欺凌 中五生被叉頸踢肚撼牆

【麻疹肆虐】機場員工投訴無針打 公院前線醫護獲補注射疫苗

【麻疹肆虐】多間私家醫院疫苗無貨！專家揭爆疫情5大因素

【移交逃犯】台灣擬向港發旅警 陸委會轟修例損赴港國民安全

【搶手機案】許智峯受審 行政主任供稱政府電郵廣邀公務員做「狗仔隊」

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI