當年今日

馬國明借勢追李詩韻

蘋果日報 2011/02/03 00:00


無綫新劇《紫禁驚雷》煞科,幾位主角馬浚偉、馬國明、李詩韻及唐詩詠前晚拉隊往南華會燒烤團年,馬仔還準備了兩份禮物給二月生日的馬國明及李詩韻。馬仔說農曆年有八日假期:「今年會留喺香港同屋企人過,初一要返TVB同阿姐(汪明荃)做團拜。」
每年買桃花
本月12日及13日生日的李詩韻和馬國明,新年及生日願望都是身體健康,李詩韻說:「之前身體好差,肚痛到連起身都好難,中醫話我肝好弱,要調理吓。」馬國明指媽咪每年都會買桃花給他:「每年我都喺棵桃花下面係咁轉。」同劇女演員李詩韻、唐詩詠都先後甩拖,馬國明笑說:「考慮吓,或者遲啲約佢哋去街!」
採訪:楊潔雯 攝影:林偉雄