【一度懷疑有武漢肺炎】何雁詩隔離過程擔心到喊 得知無事即飛撲攬阿Fred
蘋果日報 2020/03/31 16:52
鄭俊弘何雁詩
（攝影：馬建華）
上周三忙完宣傳後，發現自己喉嚨痛兼發燒的何雁詩，一度懷疑有疑似感染武漢肺炎徵狀，她即時前往醫院接受測試並自我家居隔離，日前收到報告呈陰性後，今日便正式再投入宣傳工作，她到商台接受一連串訪問，全程戴上口罩，問到是否需要14日隔離？她說：「有問醫生，佢話我冇外遊，又冇接觸過確診者，報告唔係陽性，所以唔使隔離，阿Fred（鄭俊弘）先出席《法政先鋒IV》大結局宣傳。」
何雁詩坦言隔離在房的日子心情很差，她並非擔心自己有事，而是萬一自己帶菌便有機會感染身邊工作人士，有可能令他們家中年老或幼童家人受影響，問到有否喊？她說：「有呀！有晚我喺房同Fred講話瞓，佢就喺房門同我揮手，我就忍唔住喊，佢就喺房門安慰我叫我唔使擔心，冇事。」兩人收到報告一刻，得知冇事後，何雁詩自言即飛撲到Fred身上來個擁抱，Fred也結束廳長生活。她表示除工作外，均會留在家，也不再約家人朋友見面，她呼籲大家為人為己也要留在家，免得加重醫護人員負擔。
採訪、攝影：馬建華
何雁詩坦言隔離在房的日子心情很差