麥家瑜（Keeva）今日喺西貢為新歌《終生女友》拍MV，故事講述佢失戀，傷心到要燒咗男友衣物，又會搵朋友哭訴。

最近天氣悶熱，Keeva要焗喺微弱冷氣屋內拍攝一日，但佢都沒呻辛苦，因現實中佢留港發展多年，遇過更多坎坷苦況。幸好有親家姐同一啲閨密朋友扶持，當工作同感情困擾時有親友陪伴，曾傷心至喊通宵：「佢哋會陪我傾通宵電話，或者去唱K，遇到有乜事佢哋比我更激氣，當隔3年先等到一首歌，等嘅過程好慘，過程中遇阻滯，或者預料唔到嘅事情，呢首其實都係送俾我嘅朋友……」問到會否3年又3年再等運到？佢話視乎歌曲反底再籌備另一首，直言希望不用再等太久。

而三個真閨密谷祖琳、林兆霞、陳逸寧拍戲時建立感情，今次充當MV女角，佢哋指三人當中谷祖琳說話最毒，最中要害，但三人性格相似從未傷感情沒有反面。

精選娛聞，喺晒《娛果》
http://fb.com/appledailyent