日本男星木村拓哉與工藤靜香嘅15歲細女光希（Koki）今年出道即成搶手貨，入行幾個月已吃香廣告界，先後有唔同國際品牌起用成為宣傳大使，除咗做潮流界新寵，光希亦落實成為飲品代言人，接拍首個日本廣告。

今日，光希為宣傳代言飲品出席記者會，着住貼身黑色衫襯黑色褲晒甜美笑容現，吸引到逾140傳媒逼爆現場，光希呢身打扮令擁1.7米高嘅佢睇起嚟更加纖瘦。

今次廣告遠赴比利時取景，出動咗約360名臨記拍攝相當大陣仗，光希話拍攝空檔到訪咗《義犬報恩》聞名嘅教堂又食咗Waffle。而今次廣告主題係「給努力實現夢想的人打氣」，光希都話自己正為實現夢想而努力，臨近尾聲，當有記者問到父母對廣告有咩評價時，光希就未有回應匆匆落台。此外，光希於Ig story公開記者會前嘅後台花絮，披露自己化妝嘅情況。

精選娛聞，喺晒《娛果》
http://fb.com/appledailyent