美國樂壇天后瑪麗嘉兒（MariahCarey）最近事業愛情兩得意，快要再嫁嘅佢近日狀態大勇，身材越嚟越fit，令佢自己都充滿自信，歌衫次次都越嚟越少布。
瑪麗日前喺新奧爾良舉行嘅EssenceFestival擔任嘉實，佢穿上銀免超級低胸及高衩晚裝，盡騷事業線及S形身材，相當性感。瑪麗唱歌時仲唱到踎低，真係益晒台邊嘅觀眾。不過有網民就話佢幾廿歲仲賣弄性感，唔係好buy。
瑪麗今個夏天就會同澳洲富豪JamesPacker結婚，早前有指瑪麗同未來奶奶Roslyn唔係好夾得嚟，因為兩人性格好唔同，Roslyn份人比較低調，而瑪麗就愛浮誇。不過據澳洲傳媒報道，瑪麗同Roslyn近日因為一齊籌備婚禮而相處時間多咗，因此關係亦拉近咗。