韓劇《咖啡王子》嘅33歲女星尹恩惠，大前年演出大陸節目《女神新裝》時因涉嫌抄衫而搞到形象插水，潛水一段時間後，尹恩惠早前終於落實演出新劇《心動警報》，事隔5年回歸公仔箱。

《心動警報》上月已經低調開工拍攝，尹恩惠又獲粉絲送上咖啡車打氣。到今日，尹恩惠孖37歲拍檔崔正元於機場開工時被韓媒捕獲，只見尹恩惠身穿T恤牛仔褲，搭配長褸以輕便Look出鏡，戴住黑超嘅崔正元就有拖住尹恩惠嘅戲份。

另外，尹恩惠於Instagram及微博上載咗與韓劇《她很漂亮》女星高俊熙嘅合照，補祝對方上月尾33歲嘅生日，令粉絲相當驚訝兩人原來係好友。

精選韓流，喺晒《娛果》
http://fb.com/appledailyent