話咁快九月賽事便完，若嫌打風跑少次未過夠癮，十月只怕閣下吃不消，因為總共跑10次！這個地獄賽期既考大家如何在緊迫時間內做齊功課度馬，亦考馬迷如何收放手頭上注碼。

總結九月戰果，練馬師告東尼及丁冠豪率先跑出，丁冠豪雖屬「新丁」，但論惹飛程度，比上季同期也是頭威頭勢的羅富全更厲害之餘，亦媲美蔡約翰及方嘉柏等傳統大倉，試看近兩次有「勇冠多」及「創意寶」等捧到25蚊以下，「奇異星光」及「人和家富」等也較預期般熱，跑不跑出尚屬其次，丁廐馬不算抵賭。

曾幾何時，麥菲文也相當惹飛，但隨着上季被同期的羅富全徹底KO，再加上一路有馬流失，現在麥廐已被定位為弱勢馬房，戰駒亦有較佳分頭。今季麥廐出馬22匹，只得「安喜」及「好吉利」低於5倍，有潛質成為價值投資者冒險樂園。

第三場麥廐「老實人」前仗田草1200米擊敗今季已贏的「帝豪寶貝」及「最驫」賽績堅挺，今次同場有多好幾匹名氣質新馬擔飛兼麥廐不再惹火，預計會有較佳分頭抵博。

至於廐侶第五場「藍海策略」前仗三班1400米強組排外檔留前鬥後奪季，並交出理想表現指數，剛戰跑濕慢泥大敗不足為據，今勻重返1400米排10檔已有應對外檔經驗，慎防出冷。