當年今日
關於我們

容易曝光 視為入娛圈踏腳石

蘋果日報 2009/07/05 00:00


【本報訊】主辦今次招聘模特兒義工活動的青協,對於報名人數大大超出限額也始料不及;青協發展幹事駱慧蓮承認,反應踴躍跟近年o靚模熱潮有關。有學者指現今年輕一代表演慾強,惟加入演藝界的競爭越來越激烈,o靚模的成功為他們帶來啟示,視當模特兒為晉身娛樂圈的踏腳石。
今年是青協第二年舉辦模特兒義工招募,在850名15至25歲報名者中選了239人於昨日試鏡,參加者要自選才藝表演,最終有50人入圍成為青協「御用」模特兒。未來一年青協將安排他們拍攝宣傳片及硬照,製成品會在亞視高清台及九巴RoadShow播放。
參加者不介意無人工
駱慧蓮表示,推出模特兒招募計劃是希望為年輕人提供表演機會,「好多年輕人想入行做model,但坊間缺乏渠道畀佢哋入行一展才華,其他星探公司又唔知真定假,一有機會當然唔會錯過。」當青協模特兒沒有人工,但駱慧蓮指參加者並不介意,「佢哋就當參加暑期活動,可以識多啲朋友,擴闊眼界。」
理工大學應用社會科學系副教授何國良表示,現時入娛樂圈競爭越來越厲害,「以前參加港姐、亞姐或者藝員訓練班之後,好容易名成利就,家連入行機會都冇,似乎成為模特兒係最容易曝光嘅途徑,所以o靚模先大行其道。」