「積多福」以往健康唔穩定，喺上手馬房好少出賽，早就贏到上頂班，苗禮德今季接手後好有耐性慢慢搞番好，10月復出一擊即中，如果唔係切切底底醫番好，點可以連搏四場？上次贏完隔一日就復課，即係話冇點用力，之後一直操而不戰，因冇同一賽程，今次唔跑就要等多兩星期先有賽程，屆時係跑80至105分賽事，比今次上限100分對手強得多，呢條數苗禮德點會唔識計？今次隔咗個半月再跑，埋門試番課大閘喼住勇態，贏開嘅馬仲走去試大閘，咁積極擺明要添食。

詳盡內容可留意明日<<蘋果日報>>及蘋果馬網 http://hk.racing.nextmedia.com