當年今日
關於我們

【韓流】因沉船事故金秀賢心情沉重 取消訪問及巡舖環節

蘋果日報 2014/04/23 06:00


「都敏俊」金秀賢噚晚十一點幾到港,出席今日喺尖沙嘴TheMira舉行嘅護膚品牌發佈會。大會包咗酒店第18樓全層,而傳媒嘅calltime為十一點四十五分,而數百粉絲早已圍住酒店,警方亦到場維持秩序;

每位入場記者要拎住有相嘅職員證登記,而18樓全層分開兩邊,一邊係金秀賢發佈會,另一邊係畀啲賓客影相。現場豎立咗多個金秀賢一比一紙板,仲有幾個齊蔭西裝男喺現場,唔少女賓客都同金秀賢.....個紙板影合照。

大約中午十二點半左右,大會作出廣播,鑑於南韓近日發生沉船災難事故,金秀賢心情好沉重,惟今次活動早已安排好,亦唔想香港傳媒及粉絲失望,因此如常舉行,不過活動一齊從簡,而訪問及巡舖環節亦取消,希望大家體諒。