美國女星梅根馬克爾（Meghan Markle）同英國皇室哈里王子熱戀中，有指佢哋已去到談婚論嫁階段，周六仲雙雙現身喺多倫多嘅行嘅「不可征服運動會」（Invictus Games），首度一齊喺公開場合露面。

正當梅根馬克爾有望嫁入皇室，其電視監製前夫Trevor Engelson卻將拍一部關於佢嘅喜劇贈興，據《Deadline》報道，Trevor將製作一個關於一個男人同太太離婚後，佢前妻嫁入皇室嘅故事，跟住呢個男人就要同皇室成員爭奪小朋友嘅撫養權。

現年36歲嘅梅根同Trevor婚姻只維持咗兩年，喺2013年已離婚收場，佢哋並冇小朋友。