蘭西情報課：
五一招內地客代理辦睇樓團
蘋果日報 2005/04/27 00:00
內地五一黃金周就快到，預期會有大批內地客嚟港消費，美記同港置，再度安排內地客睇樓團，推動本港樓市成交。
美記執董陳坤興話，今年會集中帶客睇二手樓，包括鴨脷洲深灣軒、紅磡海名軒同埋海逸豪園、馬鞍山海典居，以及屯門卓爾居，單位有平有貴。
佢補充話，開辦睇樓團，係等啲內地客可以感受一吓香港樓市嘅熱鬧氣氛，同埋見識港人買樓模式。
另外，同系香港置業，董事翁銓澤話，佢哋過去一個禮拜，向一百名透過港置睇樓嘅內地客，做問卷調查，發現六成半有意喺香港買樓，比舊年嘅四成半為多。當中逾五成半，想買新樓嚟投資。難怪港置周日辦嘅睇樓團，第一個選擇係薄扶林貝沙灣一手樓啦！
恒基搵美記釣大魚
賣咗幾年都未賣晒嘅中半山富滙豪庭，又有新花樣，今次搵美記做獨家。
美記何銘培話，第一座賣剩一半，重有二十一伙，二千五至二千七百呎，呎價萬八起，平均每呎兩萬，入場費四千五百萬。
發展商恒基一直惜售呢個盤，早喺○一年初部署發售，不過市道弱，恒基又唔肯平，個別單位惟有轉為出租。結果年幾之後，先至賣出首個單位，都算經典。不過，當日呎價一萬二千五，以當時市況而言，算係天價，可見恒基貫徹鐵價不二賣樓策略。
美記早排幫電盈賣出一幢薄扶林貝沙灣，值十億，今次呢半幢富滙，約值十億至十一億，恒基係咪都想美記幫佢搵一個客買晒全部單位呢？
美記執董陳坤興話，今年會集中帶客睇二手樓，包括鴨脷洲深灣軒、紅磡海名軒同埋海逸豪園、馬鞍山海典居，以及屯門卓爾居，單位有平有貴。
佢補充話，開辦睇樓團，係等啲內地客可以感受一吓香港樓市嘅熱鬧氣氛，同埋見識港人買樓模式。
另外，同系香港置業，董事翁銓澤話，佢哋過去一個禮拜，向一百名透過港置睇樓嘅內地客，做問卷調查，發現六成半有意喺香港買樓，比舊年嘅四成半為多。當中逾五成半，想買新樓嚟投資。難怪港置周日辦嘅睇樓團，第一個選擇係薄扶林貝沙灣一手樓啦！
賣咗幾年都未賣晒嘅中半山富滙豪庭，又有新花樣，今次搵美記做獨家。
美記何銘培話，第一座賣剩一半，重有二十一伙，二千五至二千七百呎，呎價萬八起，平均每呎兩萬，入場費四千五百萬。
發展商恒基一直惜售呢個盤，早喺○一年初部署發售，不過市道弱，恒基又唔肯平，個別單位惟有轉為出租。結果年幾之後，先至賣出首個單位，都算經典。不過，當日呎價一萬二千五，以當時市況而言，算係天價，可見恒基貫徹鐵價不二賣樓策略。
美記早排幫電盈賣出一幢薄扶林貝沙灣，值十億，今次呢半幢富滙，約值十億至十一億，恒基係咪都想美記幫佢搵一個客買晒全部單位呢？
就最近澳門熱門消息，提高投資移民門檻，中原澳門做咗一次電話訪問，喺八百六十個回覆中，發現四成九認為，唔會影響樓市，樓價會繼續上升，僅得一成二認為，會使到內地移民客減少，拉低樓價。
對於路環、氹仔金光大道計劃，五成半受訪者認為，消息可以刺激樓價上升，兩成三相信，可以令樓市鞏固。
對於未來三個月樓市走勢，五成半看升，三成三相信平穩，看跌嘅只有一成二。
另外，早排喺濠江設立據點嘅仲量聯行，噚日發表樓市報告，指今年首季澳門整體住宅樓價上升七巴仙，優質住宅可達一成。
高級住宅，回報率只得三厘至三厘半。
旺舖、豪宅、甲級寫字樓，價錢普遍炒到天咁高，投資者倒不如諗吓比較冷門嘅工廠大廈。
好似葵涌金基工業大廈，有件中層G室，一千四百呎，中記話，有個投資者以六十八萬六千，連租約買入，每呎四百九十，全包月租七千五百，回報率有成一分三咁高，就算扣番雜費，都有超過九厘回報，同一般住宅只有三四厘比較，真係好吸引。
睇番紀錄，發現呢幢工廈最近四個月，造價升三成六，高過一般投資物業。小本投資者，其實不妨喺啲空置率低嘅工廈度尋吓寶。
電郵地址：[email protected]
薄扶林貝沙灣
恒基富滙豪庭首次以獨家代理促銷，難怪美記總動員，出席簽約儀式。