【新增短片】
今日是廿四氣節中的驚螫，傳統上有人會打小人，祈求新一年遠離小人，事事順利。灣仔鵝頸橋中午聚集逾百名市民輪候等待打小人。知命神婆梁婆婆的姪女雲姑表示，今早生意不錯，但由於時間尚早，未知整體生意，「可能一陣再好，多少少人嚟打」。她指，多數打小人對象是同事、上司和老闆，亦有人打財政司司長陳茂波小人，「話佢做乜唔分錢畀啲基層人士」。

神婆區女士則指，今早生意不錯，惟時間尚早未知整體，料沒有比去年好「上年係星期六、日，今年星期一，可能晏啲放工時間會好啲」。她稱，最多人打都是四方小人，亦有事業、姻緣、家庭，往年則有人打第三者，今年則暫時未有。

已退休的林女士表示，年年都打小人，「總之呢一日就會嚟，禮不可廢咁囉」，若指該年沒有打小人，整年個心會感到不安，「如果遇到啲唔順利嘅嘢會自責」。她稱，沒有指定打小人對象，「都係保身體健康，自己氣場好咪冇小人」。

台灣旅客周小姐表示，去年首次來港打小人，之後感到工作順利，今年特意一早來港打小人，晚上便會回台灣。她指，打小人對象是公司、工作。她稱，今年和去年的價錢都一樣，50元一次。

家庭主婦鄭女士表示，沒有特定小人要打，只是「個年唔順，下一年咪嚟打」；又指是幫兒子打小人，希望他事事順利，事業順利。

從事保險的林先生表示，去年偶然因好奇心驅使下試過一次打小人，認為感覺不錯，「其實冇話係咩特別，係心理上，感覺順啲」。他指，沒有指定小人，只是打八方小人。

神婆林姑表示，今年生意普通，市民多數打工作不順利，身邊有小人，「咁咪小人當貴人，貴人當財神囉」。被問到今年有沒有市民打小人對象是政府官員，「冇呀，冇呀，今年做官個個好好，冇人打佢」。