由以色列女星姬嘉鐸（Gal Gadot）主演嘅DC漫畫超級英雄片《神奇女俠》（Wonder Woman），陸續於全球各地上映，姬嘉鐸又靚又打得即成為萬千男士心目中嘅女神，咁如果神奇女俠同Marvel超英雷神對決會邊個打贏？

近日姬嘉鐸受訪時就被問到呢條問題，佢即時話：「我覺得神奇女俠會贏，你呢Chris？」而「雷神」基斯咸斯禾夫（Chris Hemsworth）之後都透過社網站回應話同意神奇女俠會打贏雷神，姬嘉鐸就回應話：「我就知你很聰明，我認為值得一試。」提議嚟個DC同Marvel超英對決。

至於《神奇女俠》全球大收，北美周五單日錄得389萬美元（3,034萬港元）票房，預計首個周末票房會超過9,500萬美元（7.41億港元），成為女導演執導作開畫最高票房電影。

同時，有指姬嘉鐸與女導演比蒂珍姬絲（Patty Jenkins）已落實會開拍續集。