不止一次提過，香港跑馬越來越「騎師主導」，因為他們最終能發揮座騎幾多能力，就算擁有精算專家及電腦程式的職業賭馬集團，也沒辦法把它計得準兼量化，加上不時有潘頓騎「文藝學家」這類劣拙發揮，不論大戶散客都會中伏。

根據馬會賽後報告，潘頓謂「文藝學家」拒絕穩定走勢，所以被迫唔要遮擋，小組對這解說只原文照錄，那麽問同唔問有何分別？

問賭客潘頓騎成點，以三字經回敬的不少，亦唔覺潘頓一直長韁有幾難留？既然競賽小組連騎師這樣講都接納兼沒進一步提問，馬迷們騎馬你我識條鐵咩！

再看同晚（7日）對上一場田泰安騎曾快放贏馬的「獻惑」有得放唔放都算，但明明內欄已有遮擋，睇片在「精算追擊」後面有足夠空位，又特登唔要向外移出望空，競賽小組又認為這是賽事形勢所需屬正常騎法，你又點睇？

反正大師傅都是亂騎，倒不如用牌仔減磅賺減磅好過；周日（11日）容天鵬就有四駒用見習生，當中第三場「幸運興隆」上次全程外遊亦近，試泥閘曾連番入圍，今勻用巫顯東減磅初跑泥地顯非湊興。

至於第八場「盈利駿馬」季初配雷神贏二班泥地1200米，今次竟可減夠分落三班跑同程，用潘明輝減多10磅真係so！