馬浚偉今日請咗韋家雄為佢主持商台嘅節目錄影，馬仔話節目第二季有兩個主題，一個係幕後精英，另一個主題就係搵佢欣賞嘅藝人，佢仲笑話嚟緊約咗天文台台長，解答點解「水浸都係黃雨」嘅疑問，馬仔仲笑話每次水浸都有人將惡搞嘅圖片展出，仲夾有粗口，好搞笑咁話，佢仲話希望嚟緊接嘅電影係另類啲，可以挑戰變態佬或者講粗口嘅角色。

講到今日嘅嘉賓韋家雄，馬仔話係佢欣賞嘅藝人之一，馬仔話：「唔係每套都係主角，但係佢付出好多，佢好低調，好有演員道德，演技好紮實。」家雄嚟緊仲會挑戰做導演，佢話：「已經寫咗個劇本，依家搵緊投資方，係網絡電影，故事係一個講疫症嘅荒誕喜劇。」馬仔仲即刻自薦義演，馬仔話：「錢唔係問題，我好欣賞佢所以要支持佢。」

更多娛聞，喺晒《娛果》
http://fb.com/appledailyent