【光復區會●南昌北】遭瘋傳為援交女 劉家衡笑看「人一藍腦便殘」：有威脅先抹黑！
蘋果日報 2019/12/29 00:05
深水埗鄭泳舜南昌北劉家衡
新一屆區議員即將履新，民主派不少新丁都抱着戰戰兢兢心態上陣，但戰勝盤踞深水埗「南昌北」3屆、去年透過補選晉身立法會的民建聯鄭泳舜的公民黨劉家衡就信心爆棚，「絕對唔需要悲觀，只會越嚟越多人企我哋（民主派）呢邊」，就算當選後即遭遇藍絲抹黑，荒謬地被瘋傳是「援交女」，他亦感覺良好，「每次你見到對面做啲好傻嘅嘢其實反而係代表你做啱咗，佢覺得我哋有威脅先會抹黑」，連性別也要費神澄清，劉反諷現象反映「人一藍，腦便殘」，笑言「我心態係睇你下一次可以出到乜嘢出嚟，會唔會係無碼性愛短片流出？」
記者 梁穎妍
任職補習教師的劉家衡在反修例運動爆發後因為反對建制派自動當選萌生參戰念頭，剛修畢法律碩士課程的他透過同班同學、公民黨東區區議員鄭達鴻協助找白區，開始地區工作，更正式入黨。幾個月內由普通90後變成政黨新星，他接受《蘋果》訪問時指早對勝選心中有數，「本身諗住唔畀佢哋（輕易）贏，冇諗住真係會贏到，但去到一半我覺得一定會贏，林鄭每做一次決定都係違反民意、錯嘅決定，我就知道一定會贏」。他憶述投票日在區內狙擊鄭泳舜，街坊自動波加入，狙擊團越來越多人，深深體會民心所向。
自信十足的他甫當選就被抹黑，身為男性的他被指是「AV天使」、上載艷照吸引男性，更得了「援交女劉家衡」之稱，但劉認為因禍得福，「深入民心啲」，更笑說：「『援交女劉家衡』而家代表咗藍就係腦殘咁嘅意思」，稱在假新聞滿天飛的年代，「香港追求民主自由嗰班人係會善用網絡，知道邊啲資訊係啱」。抹黑事件緣於其女朋友選舉期間為他助選時戴上有他姓名的「風紀帶」，而被調轉身份，女友的個人賬戶照片也被轉載，但他認為事件對他們零傷害，自己也常與女友就此開玩笑，重申：「對政權冇影響力嘅人，佢（藍絲）根本唔會做抹黑工作。」
他認為港府一味親共，沒有德政，實也令中共無所適從，「你會見好多內地文宣或者共產黨爪牙不斷抹黑我哋，代表我哋對佢嚟講係一個威脅，佢處於咁驚恐狀態又點能夠做到正確決定？佢每次做嘅嘢都錯」，深信市民一旦覺醒，不會對港共政權有希望。馬不照跑，舞不照跳，民主民生工作則要快速啟動，劉希望提高議會透明度，「可能做公聽會、圓桌會議，希望街坊可以一齊討論」，其次希望改變增選委員性質，「增選委員有佢哋存在價值，不過會唔會將呢班增選委員變成叫比較專業人士提出意見，或者會唔會拎返佢哋個投票權呢？始終佢哋無民意支持。」
有意繼續進修取得律師執業資格的他也希望以其法律知識，協助區內法團重組，解決舊區與鼠患、垃圾堆積問題，並着力少數族裔與社區融合，一腔熱血的劉稱做好自己，毋須過慮他日選情，「我哋都見到盤數（投票人口分佈），點解我哋唔做多啲嘢去吸納啲人支持我哋，反而去擔心建制派會有咩行動反吸（支持）？」
-----------------------------
民陣元旦大遊行
民主派不少新丁都抱着戰戰兢兢心態上陣，但戰勝盤踞深水埗「南昌北」三屆、去年透過補選晉身立法會的民建聯鄭泳舜的公民黨劉家衡就信心爆棚。
劉家衡因為反對建制派自動當選而落戶深水埗「南昌北」，最終踢走民建聯鄭泳舜。朱家駿攝
劉家衡指援交女事件對自己和女友「零傷害」，兩人更不時就此開玩笑。朱家駿攝
「援交女劉家衡」已成「人一藍，腦便殘」最明顯例子，「受害者」笑指有威脅才會被抹黑。朱家駿攝
劉家衡女友為其助選時曾戴上有劉的名字「風紀帶」，因而被調換身份，劉家衡變成「援交女」，其女友賬戶的相片亦被轉載在藍絲群組瘋傳。