呢日（27日）係洋名Danny的沈集成58歲牛一，恭喜！恭喜！

上季生日前一次賽事，他出六駒勁取一W三P佳績，加上今季佢於谷草合共攞到23W，僅次於蔡約翰，若果問佢生日有乜願望？相信佢100%答你身體健康，以及贏多啲馬。

贏馬向來係呢位鐵人練馬師最享受的事情，更何況係牛一正日有馬跑，佢自然悉心佈陣，希望可以同馬主一齊分享喜悅。

沈廐今晚第五場「威信」馬主係年逾90歲的曹光彪，佢支持咗沈集成好耐，隻馬上次初加程跑1800米僅不敵「哈蝦巴爸」做阿二，後駒剛周日（24日）已升呢跑三級賽精英碟。

今勻「威信」繼續跑谷草二班1800米，可望補中榮膺季內新一匹四捷馬。