任達華噚晚到奧海城出席《黑白迷宮》首映。華哥好耐冇拍江湖片，佢話都係公司叫佢拍，佢就拍，佢話電影入面戲唔多，但係有一場，佢迫林雪食十碗飯，搞到佢暈倒：「可能佢狀態唔好，真係暈咗要休息番陣。」仲有最辛苦就係要戴八十年代又厚又重嘅假髮，不過講到Chok，佢話真係輸俾小春：「係唔夠小春嚟，轉個身就見到佢除晒衫，Chok到咁呀！我就過唔到心理關口，咁我平時都夠Chok嘅。」

問到華哥鍾意扮賊定做警察，佢話：「做賊好玩啲，但我都想拍一部有關機場特警嘅戲，我一直都有呢個Idea，終於早排去到機場搵特警影咗張相，呢張相依家一直放喺枱度。」