李思捷主持嘅《玩嘢王》收視唔錯，平均收23點（約148萬觀眾）。一直有指思捷恃紅生驕，飛起「福祿壽」其餘兩位成員阮兆祥、王祖藍，當正自己係「巨星」，仲有指佢搲做第一男主角，更表明冇第一男主角就唔接拍，不過就係因為佢更囂，令唔少監製拒絕起用。

除咗要搲做第一男主角外，有傳《玩嘢王》收視唔錯，思捷竟將所有功勞歸自己，仲話因為佢，節目先咁好成績，搞到有唔少幕後不滿。

話飛起「福祿壽」其餘兩位成員，不過近排又見到佢哋3個嘅廣告。原來呢個廣告差啲拍唔成，有指廣告原本要「福祿壽」扮女人，不過因為升呢嘅思捷忽然拒扮女人，最後廣告商讓步，改一改內容就思捷，最終先拍得成。

事實上，廣告出街後，只見到祖藍同祥仔扮女人，思捷就唔使，有指呢件事令祥仔同祖藍嬲爆。佢哋兩個嚟緊各有各忙，拍緊新劇《食為奴》嘅祖藍忙完拍劇之後會開始忙拍電影。另外祥仔今年入行29年，出年打算30周年開演唱會，問到會唔會有「福祿壽」？佢就話：「我希望『福祿壽』係香港嘅Smap，各有各發展。」

祖藍扮嘢扮到返內地電視台主持，之前《老表，你好嘢！》又咁受歡迎，原班人馬拍《食為奴》，劇接劇。阮兆祥之前拍《巨輪》，而近日佢就參演黃子華主演嘅《My盛Lady》。而李思捷近日嘅《玩嘢王》雖然係好受歡迎，但主持完《玩》之後，就無以為繼，冇咩job喇。




《蘋果日報》動新聞新版AndroidApp正式面世喇！Hit一吓，動全新！已經Download咗舊版App嘅朋友，請去返PlayStore手動更新；至於iPhone版嘅新版App，7月就會出街喇！

未download嘅，梗係即刻下載啦↓↓
http://bit.ly/Zbhry3