雖然今個暑期縮短了，只有七個多星期，但對於馬匹而言，休息期已經不算短，而且只要相隔上賽超過五星期，馬匹通常都能夠培養出新鮮感，即使賽前操練疏落，復出時跑較短路程，亦能夠交出好表現，好似上季開鑼日贏頭場1200米的「威祥」，賽前兩星期晨課都沒有快跳或試閘，只在內圈踱步而已。另外，上季首戰爆冷的「光速銀桂」，賽前兩星期只快跳過兩課，卻未有安排試閘，結果憑新鮮感跑1200米成功贏馬。
馬匹久疏戰陣，表現較為急燥，容易形成虛火，復出比賽時走勢虎頭蛇尾，以上季開鑼日的十場賽事為例，最後400米領先的馬，最終只得兩亞一季，沒有一匹能夠直領到底勝出，而能捱入三甲的「會心微笑」及「超凡夢想」，再出都成功補中贏馬，另外「傑飛」翌仗則因咳嗽而退出賽事。由此可見，季初賽事揀馬宜秤先後上馬。
列陣開鑼日第四場四班1000米的「軍勇戰略」，與上季曾在三班獲勝的「瑩然英峻」及四班幾乎贏的「辣辣椒」同貨源，本身在外地只跑兩仗，肯定仲有進步。上年三月在新西蘭初出即勝，上季在港插班初出跑三班1200米得第四，能衝贏三班中堅「幸運日」，證明質素足夠在三班爭勝，而且亦反映休後復出表現特佳。孫達志散倉後暑期轉投葉廐，今季八月初已經開操，最近由韋達操過兩課，馬身茁壯，表現充滿新鮮感。追溯上季4月26日贏過1000米直路閘，當日更彈開「慣勝聆聽」個半馬位，走勢吸引眼球，如今降班即縮程跑直路賽，幕後部署滿肚密圈，排13檔有利發揮，機會穩位望贏。