馮仁昭四圍超：夏蕙BB派生果撐工人 - 馮仁昭
蘋果日報 2013/04/15 00:00
年屆80歲嘅黃夏蕙挑機挑出癮，先後企出嚟向霸權橫行嘅D&G同LV宣洩不滿，俾網友封佢做女神。夏蕙BB近日都有留意碼頭工潮，夏蕙BB前晚半夜扲荷包去到油麻地果欄買咗八箱蘋果，噚日中午就租咗架小型貨車運蘋果去葵涌貨櫃碼頭外，力撐罷工工人。
工潮至今超過半個月，夏蕙BB睇唔過眼商人漠視工人福利，佢出錢出力為工人打氣，據知夏蕙BB呢次買蘋果同租van仔都使咗接近2,000蚊，佢勞氣話：「我都唔係有錢人，但我出錢出力想送啲支持畀呢班工人，好多工人要養父母同仔女，負擔好重。有錢人真係唔知窮人嘅淒涼，我希望資方快啲出嚟正視。」
工潮至今超過半個月，夏蕙BB睇唔過眼商人漠視工人福利，佢出錢出力為工人打氣，據知夏蕙BB呢次買蘋果同租van仔都使咗接近2,000蚊，佢勞氣話：「我都唔係有錢人，但我出錢出力想送啲支持畀呢班工人，好多工人要養父母同仔女，負擔好重。有錢人真係唔知窮人嘅淒涼，我希望資方快啲出嚟正視。」
睇到工人攰到要朋友揼骨，夏蕙ＢＢ都話要踎低幫手。
工人拍掌多謝
夏蕙BB帶住八百個新鮮蘋果到場，即獲工人拍掌多謝，夏蕙BB更親自開箱向帳篷休息嘅工人逐一派蘋果，佢話：「希望工人食完蘋果可以平平安安，早日返屋企。」夏蕙BB親身探訪後，感受到環境惡劣，痛心工人受苦，希望問題早日解決。
撰文：馮仁昭
撰文：馮仁昭
夏蕙BB噚日中午親身到場派蘋果。
夏蕙ＢＢ前晚半夜去咗油麻地果欄訂蘋果。