名古屋鯨魚已篤定在日聯盃出局，而且近況麻麻，在周三的日聯盃A組作客神戶勝利船時，料無心戀戰；不過，由於鯨魚在日聯盃經常開「細」，而且近仗作客勝利船又入球不多，故今役「入球大細」中位數定於2.5球/3球，宜博1.85倍的入球「細」。（球賽編號：星期三7；有線61及201台今日6:00pm直播）

鯨魚目前在日聯盃A組四戰得一和三負，肯定出局，聯賽只得四勝兩和六負排第11位，今訪A組次席的神戶勝利船時，戰意成疑。鯨魚今役有後衛大武峻被罰停賽，前鋒永井謙佑及門將楢崎正剛則因傷上陣成疑。由於鯨魚近仗在聯賽經常「入得多又失得多」，所以今役「入球大細」中位數定於2.5/3球，不過今季四場日聯盃有三場開「細」；另外，鯨魚近四訪勝利船亦同樣有三場開「細」，今役亦宜博「細」。
神戶勝利船近期起伏較大，今役亦缺岩波拓也及松下佳貴，「讓球」要讓半/一，實在嫌多；但由於勝利船近四場亦有三場開「細」，故博他們開「細」較上盤着數。
文︰吾中