梁芷珊今日到港台接受普通話台主持小孟訪問，芷珊透露小孟係佢嘅普通話老師，不過佢自認係一位好唔聽話嘅學生，因為當時工作好忙，只係頭幾個月準時上堂，之後就甩底冇再學，佢話：「之前見老師要畀錢，今次唔駛畀錢梗係嚟，不過訪問我都係講普通話。」

以前上堂時，經常同老師傾足球話題，今次受訪話題都圍繞足球，佢指足球係國際語言，雖然球員間講不同語言，但都溝通到，唔需要特別聘請翻譯員。梁芷珊指自己讀書時修讀三國語言，包括普通話、英文同日文，但如今除英文以外，都似乎忘記了，可能跟平日小機會用有關。