雞排妹鄭家純同錢國偉(Wilson)今日喺灣仔會展宣傳電影《台北夜蒲團團轉》,雞排妹中門大開勁晒32E咪咪,吸引唔少途人圍觀兼影相,不過中間露出大截胃腩,難免有啲大煞風景。
雞排妹用唔鹹唔淡嘅廣東話同大家打招呼,佢話:「大家好,禾(我)係ge(雞)扒may(妹)。」錢國偉又叫佢擺幾個性感甫士畀記者影相,雞排妹即刻夾胸,但係又不慎露出「砵仔糕」,而且左胸仲有少少瘀青。
咦,之前雞排妹自爆俾男朋友溫晉禾打,依家復合咗,但又有疑似新傷,唔通……雞排妹話:「只是陰影,不要想太多。」佢仲話依家同男友感情好好,已經和好如初。