日本女子組合AKB48近年成員大幅換血，昔日人氣成員走得就走。繼高城亞樹、永尾瑪利亞齊齊舉行畢業騷之後，上星期小林香菜已話畢業，就連現年27歲嘅第二期成員梅田彩佳，今晚都趁AKB家族開騷宣佈畢業，終於結束10年來AKB嘅成員身份。

唔止一次來港嘅梅田彩佳都算係人氣成員之一，佢曾與同期嘅秋元才加、宮澤佐江同埋增田有華組成分拆女團DiVA，14年就被調去成為NMB48成員。其實，包括大島優子、秋元才加、宮澤佐江等嘅第二期成員共有17人，隨住小林香菜、梅田彩佳都決定脫離AKB集團，令第二期成員已先後全部離隊。