特首選舉期間，狼振英不停四出拉票講政綱，打住求變旗幟嘅佢，將自己包裝成香港奧巴馬咁，確實好得市民同選委嘅歡心；點估到原來口甜舌滑嘅呢一把口，最終會令佢露出洋相，成為大話特首？
一宗僭建醜聞，證明八方嘅指控好紮實。明明有僭建又唔認，厚顏推稱唔知要通知屋宇署有僭建，仲夠膽高呼自己「開誠布公」。最離譜當然係近期爆紅嘅一句：「我記憶中，我冇講過話我冇僭建」，唔通真係當全香港人儍嘅？
狼振英禍從口出，可能同佢面相有關。玄學家麥玲玲話呀，狼振英嘴唇好薄，而唇薄嘅人，係講嘢好快兼好識講嘢，八方有理由相信，狼振英因此有高超嘅語言偽術技巧。事實上喺相學而言，唇薄嘅人係唔重感情兼信唔過。《時代》周刊6月曾經將狼振英擺上封面，題為「香港可以信任這個人嗎？」（CAN HONG KONG TRUST THIS MAN？），事隔幾個月，答案擺在眼前。
mailto:
[email protected]