隔牆有耳:
林健鋒鼓勵陳恒鑌繼續造人 - 李八方

蘋果日報 2016/04/21 00:00


立法會嘅多仔公係公民黨嘅陳家洛,但近來有位仁兄「急起直追」,就係民建聯陳恒鑌(Ben)。阿Ben本身已經有個6歲大嘅女,上個月添丁,湊夠一個好字。
BB就快滿月,阿Ben噚日喺立法會派薑醋分享喜悅,佢話𠵱家變咗當「夜班」,負責湊BB,唔使一個月已經瘦咗5磅,對眼細咗一吋喎(嘩,本來似乎都唔係好大箒,有冇咁誇張呀?)
經民聯林健鋒幫襯食薑醋之餘,不忘鼓勵年輕人繼續好好「造人」,最好生夠一支足球隊喎。阿Ben笑言,得一個老婆,點生到11個先?
嘩,唔通佢想搵其他人幫佢生隊陳氏足球隊?佢笑笑口話,咁要立法修例先得喎。