當年今日
關於我們

【旁觀他人之痛苦】《美女廚房》活殺動物取樂 外援學徒又內訌

蘋果日報 2018/06/12 11:35

愉快動物研究所香港素食會伍樂怡美女廚房

香港觀眾其實要求應該唔低,但係好似乜乜獎門人、食平BB呢啲節目,總可以無限Loop,湯藥都不用換。就如《美女廚房》,相隔九年,又嚟。
都係嗰啲,女嘉賓(節目名叫《美女》嘛…)雞手鴨腳活捉海鮮、處理食材、爆咪尖叫,然後鏡頭影住一班男評判大笑……究竟笑點喺邊度?將笑點建立喺動物所承受嘅不必要的痛苦上?
「愉快動物研究所 Happy Animal Lab」fb貼文寫道:「魚類和甲殼類不會發聲,即使被人抓痛了,或是掉在地上,或是活生生的扔進鍋裡活烤,觀眾都感受不到牠們的痛楚」,「牠們的沉默,令牠們成為一場鬧劇裡的犧牲品」。(新聞連結: https://bit.ly/2HGaa2R )至於嗰啲夾計玩「戲劇效果」,例如叫嘉賓扮蠢刀當鑊鏟、M&M朱古力炒飯,睇到觀眾都覺得難堪。
「香港素食會」昨日亦發表聲明,指《美女廚房》「處理動物食材時未能按正常程序處理,包括將未宰殺的動物活生生的扔進鍋裡活烤,增加動物不必要的痛苦,虐待動物的畫面引起觀眾不安。另外,大部分煮好的菜式亦因未經正確烹調而被直接扔進垃圾筒,浪費食物。」要求通訊事務管理局正視。
無綫昨日回覆傳媒稱,至今收到兩個有關節目處理食材的意見,日後喺處理食材上「會多加注意」。
魚類同甲殼類唔識講俾大家知,佢哋喺節目中承受幾大嘅折磨(不必要嘅!)同痛苦(節目嘉賓邊睇邊笑),但人類識吖嘛。今日有周刊報道指,有份拍《美女廚房》嘅「外援美女學徒」不甘無綫「大細超」、錫晒自己親生女如拍過《三日兩夜》嘅伍樂怡、王卓淇、陳展鵬女友單文柔等,仲有電玩世界的「宅男女神」洛兒,每集都俾佢哋大頭仲有對白,而非親生嘅呢班「外援學徒」,就要做佈景板,長時間齋企。
報道引述爆料者稱,節目每周錄一集,每次錄嘅時間長逾十個鐘。長時間「罰企」仲要做佈景板,好慘咁喎。但亦有另一個版本,就係話有啲「外援學徒」遲大到當冇事發生,又為搶鏡批踭攝位出陰招。
其實搞下呢啲是非咪好睇囉,何必要虐待動物呢?
empty
毫無疑問,伍樂怡真係好多發言機會。
empty
佈景板…
empty
究竟笑點喺邊?
empty
(影片截圖)
empty
JW惡整黃皮老虎斑。 (影片截圖)
empty
(影片截圖)
empty
(影片截圖)